(ع)علم والا حلم يا قلبٍ حشاه عويد سمرة

==========كنّ من بين اضلعه جنّيّةٍ تصفق يداها
(ق)قلبي اللي من سطر مابه تقل غاشيه خمرة

=========يوم فيه قلوب شق الثوب ما كدّر كراها
قم يمانع فوق وجْناً من خيار الجيش ضمْرة

========وصف شقرا ربّها دون المليحة ما نحاها
(ب)بنت هرشٍ كنّ قرن العامريّة وصف وبْره

=======وكنّّ نيبان السباع الضارية تنهش حفاها
(ا)ابن مدعث لجل عينه نقرن الحجّة بعمره

=====ابن من همّل مجاهيمه على البصرة وجاها
(ل)لا تحسّر دام باقي في صليب الراس قُطْرة

=====يا ابن مدعث والضلوع العوج داها في رداها
(ل)لا وربي ما نقلنا السيف ابو حدّين بطْرة

====كود لعيون الصبيّ الدوسري نطعم شباها
(ي)يا ابن مدعث ما نلومك في الهوى لو شفت عُزْرة

====لهوى قبلك غداله بأمّةٍ بِيْضٍ لحاها
(م)ما أطال النوم في عمر الفتى المكتوب فترة

=====والسهر ما قصّر اعمارٍ كتب ربي بقاها
(ز)زمّ نفسك والهوى سكرتْه عن مليون سكرة

=====لو حصل منها سلامة وين تسلم من نماها
(ن)نركض وتركض وما نجمع بأيادينا نِخَسْره

=====الليالي دوْل والدنيا رحول اللي مشاها
(ت)تالي الدنيا يخالد حفرةٍ في جوف حفرة

=====نطرد الدنيا ولا نفرق خطاها من قداها
(ه)هيّ وش هي؟ هيّ من هي؟ هي ثمانٍ كان عشرة

====البواشق قرنست وام الكباير ذا جزاها
(م)مير اخذ من دنيتك (صاحب) و(بارودة) و(خفرة)

====زبدةالدنيا ثلاثٍ عانها واترك سواها
(ا)اترك اللي يطرد الدنيا يبي عزٍّ وشهرة

====كيف يبغاها تعزّه وهْي ما عزّت ضناها
0ي)يا ابن مدعث لو عرا جسمك بمشلحها تغمره

====لا لقت غيرك تِحَذْفك حذفة الجاهل حصاها
(ر)رايعت من لا بنى من شامخ البيتين وكره

====ولعوزت كل ابن حرٍّ بأوّل الهجرة عطاها
(و)وصفنا وصف ثْمَرَه والزين فلاّحٍ بغمره

====يعتنيها وان حداه الجوع ما اسرع ما كلاها
(ي)يا ابن مدعث لا رعت بين الجهام السود عفره

====حاجةٍ تقضي عقب سن الصبا وش هو قضاها؟
(ا)ابعد الله دار من يبعد ثنينٍ كان قصرة

====امّة لا شافت الشمل اجتمع جاها بلاها
(ل)لا سقى الله فيضةٍ فيها سمين الصيد قُعْرة

=====كل دِحْلٍ واجهوا به حيّةٍ تلحس جماها
(ع)عزّتي للي بقى بينه وبين الموت شعْره

====روحه اقرب للمنايا السود من حذفة عصاها
(ط)طال وقتك يا ابن مدعث بين لا تطريه واطْره

====حيّ ابو مجناك وين الله شلع بك في فضاها؟
(ش)شدّها من خدّها واقطر على المركاز صفْرة

====والحمى ما احدٍ حماها كان ربّي ما حماها
(ا)انت مثل اللي يدوّر للوسايد وسط خُبْرة

====وخُبْرة الروض ايتحمّل ما يجيه اللي رباها
(ن)نقطن الواد المخيف ونضرب البيد أمّ جُفْرة

====لعنبو بعض البني يا ما لحقنا من هواها
(م)ما لقينا من يقول: ابطى بهاك السيل كُبْره

====طالت المدّة وخالد في رجا دورة رحاها
(ا)الوجيه البيض سفْرة والوجيه السود ودْرة

====وجثّةٍ ما سرّت الصاحب على ويش انغذاها؟
(ه)هيه ياللي في فؤادك من عسام الوقت نفْرة

====طالت الدعوى ولا ادري وش حجَلها من قطاها؟
(ا)آخر المنصوب فتحة وآخر المجرور كسْرة

=====حطّها نذرٍ عليّ انّي لأليّن لك قساها

*افهمو البيت هاذا وش يقول اللي جاي وركزو

واجمع اوّل حرف من كل بيت تلقى بيت شطْره

===========عقّب اللي مزنته ما يروي العطشان ماها





العجيب فيها كالتالي :

خذ أول حرف من كل بيت ما عدا البيت الأخير

يطلع معاك الشطر الأخير من البيت الأخير



عـقّــب الـلــي مـزنـتـه مـــا يــــروي الـعـطـشـان مــاهــا



والبيت الأخير يفسر نفسه
<<الحين خلصت هرجة هذا اللي مايعرف يشرح وانتقل الشرح للراسي اللي لطش القصيده ورتبها بعد مالخبطها
الخبل اللي نزلها^_^ههههههههههههههههههههه القصيده هذي عجيبه لناصر الفراعنه لو اخذنا اول حرف من كل
بيت من غير المكرر طبعا بنلقى ان الحروف تترابط عشان تشكل اخر شطر من اخر بيت واللي ماناخذ منه أول حرف.
الحروف المتكرره تقريبا حرف القاف وماادري فيه حرف ثاني او مافيه <<دمعت عيونه من كثر مايطالع القصيده
بيتأكد قبل ينزلها.. ورتبت ابياتها بشكل اسهل للملاحظه اول كانت فوق بعض مباشره <<اكتشف ان ناصر
الفراعنه يقلده باختيار أول حروف للابيات^_^<<ابلع العافيه بس.. شايفين اخر شطر مكتوب؟؟(( عقب اللي مزنته
مايروي العطشان ماها)) الشطر هذا حروفه في مداخل الابيات على الشطر الايمن(( الشطر الايسر يعتبر تابع لاتاخذون منه شي)) وان شاءالله بتعجبكم

يعطيك العافيه رسوووووي
الله لا يحرمنا منك يا مبدع

عجييييييبه يسلمووو وعساك ع القوه

قمه في الرووووعه
في انتظار جديدك المتميز

تسلم اخوي الراسي قصيدة رائعة لاهنت