اسمحوا لي اتكلم لكم عن فنان يعجبني كثيير
من اهم الاسباب اللي خلتني اسوي عنه موضوع هو تجاهل الاعلام له ..
فنـان , صاحب خامة صوتيه رائعه جدا
عنده امكانيات هائله بالتلحين صاروا الفنانين يتسابقون لطلب الالحان منه
سبق ولحن لأكبر الفنانين بالخليـج
على رأسهم الصوت الجريح عبدالكريم عبدالقادر [ بسيطة , ياثقلها , ماينسيني غلاك ]
والفنان عبدالله الرويشد وكانت البدايه معه في أغنية [تعال , أنتهينا , الكلمة كلمة , خذ مابقى لك]
والفنان راشد الماجد في أغنية [ الا ياوقت ]
علي بن محمد [ الدرويش ]
سعد الفهد [ نعم تقدر , مهما شكيت ]
بالإضافة لـ مساعد البلوشي , وعبدالعزيز الضويحي .. وتــركي ..
ويبقى القاسم المشترك بين كل هذه التعاونات بأنها نجحت نجاحات كبيره
* شكل ثنائي قوي ومهم مع الشاعر [الشيخ صباح الناصر الصباح] بداية من رابع البوماته واستمر التعاون والنجاح ..
* بدا الغناء من مسارح المدراس .. الى الاصدقاء .. وانتهائه بحترافه وتفرغه للفن كليا .
* اكتشفه فنيا الشاعر [مساعد بن شريم]
* يهوى الموسيقى ويعزف العود .. ويمارس رياضة السباحه باستمرار
اعتقد بعد هالمقدمه البسيطه صار لازم تعرفون عن مين اتكلم ..
[فقط الاعضاء المسجلين هم من يمكنهم رؤية الروابط. اضغط هنا للتسجيل]
عــصــام كــمـال
أول ألبوماته { .. ناقش الحنا .. } وللأسف ما عندي اي معلومه عنه , لذلك اسمحوا لي انتقل للألبوم الثاني في مشواره .
//**\\
ثاني البوم اصدره الفنان عصام هو ألبوم { .. وين وعدك .. }
وفيه 6 اغاني وهي [ وين وعدك , أخرها , ياكثر من تعجبه , تعال , لأنك , ياقلبي حبيبك ]
وراح استعرض لكم بعض الاغاني
{ .. وين وعدك .. }
ياحبيبي وين وعدك وينها أيام سعدك
وينها حلو الليالي يا ترى نساني قلبك .. !
حد وشالك يا حبيبي حتى عن عيني تغيب ِ
والا عيبي كان طيبي يا ترى نساني قلبك .. !
احبك والله العالم ما ابيك الا انت سالم
لا تكون بالحكم ظالم يا ترى نساني قلبك .. !
مدة الاغنية [4:11]
هذا اللحن يذكرني بأغنية عبدالرحمن الحريبي (شلون نرضيكم) اقصد بالايقااع .. الاغنيه حلوه وتنفيذها مو موسيقي أشبه بتنفيذ أغاني شريط راشد مشكلني
//**\\
{ .. آخرهــا .. }
آخرها معاك شلون قلّي علّم قليبي
حبيبي شوقي المجنون لا بيدي ولا عيبي
وآخر الشقى وياك تعذبني وانا اهواك
أقول انساك لكن وين ؟!
انا انسى الدنيا ما انساك
أنا الخسران من شفتك
معاك انت صعب أربح ..
أشيل هموم فوق هموم وأداري وانت هم تجرح
أقول انساك لكن وين ؟!
أنا انسى الدنيا ما أنساك
أنا شسويت أنا وياك علشانك انا أسهر
وهبتك قلب عطيتك روح شسوي لك بعد أكثر !!
أبي أنساك لكن وين ؟!
أنا انسى الدنيا ما أنساك !!
مدة الاغنية [6:23]
اللحن جدا جمييل ورايق وحزين .. فيه اعتماد على العود ببداية الاغنيه وهذا اعطى الاغنيه جو حلو وتخليك تدخل بجوها من البداية ,
//**\\
{ .. ياكثر من تعجبــه .. }
ياكثر من تعجبه وياكثر عشاقك
لكن صدق الغلا مافيه احد غيري
لو رحت عني بعيت وخفت اشواقك
لا بد ترجع تبي حبي وتقديري
يا اول الحب ما فكرت بفراقك
مهما جرى ما تلاقي بالوفاء غيري
مدة الأغنية [3:28]
كلماتها شوية لكنها حلوه
الاغنية من ألحان [ . ناصر الصالح . ]
//**\\
{ .. لأنـّـك .. }
لأنك مو مثل غيرك يا آسرني بوفا روحك
حبيبي ما احلى تقديرك رضيت بشرك وخيرك
حبيبي انت في وادي وحال الناس في وادي
وانت بطبعك الهادي تبين في تعابيرك
ياليت اصير بأيامك وتعود صحوه احلامك
بعينك دوم قدامك واشغل دوم تفكيرك
مدة الأغنية [5:04]
اللحن فيه دمج بين الشرقي والغربي , وفيه اعتماد بشكل كبير على آلة القانون وطريقة تنفيذها تحس انه غريب لأن صوت عصام طالع كأنه يغني من بعيد .. لكن طالعه حلوه
ثالث ألبوماته في مسيرته الفنيه هو { .. جبــرني الوقــت .. } عام 2002
وفيه ثمان أغاني وهي [ علمني وش قصدك , منهو اللي , توه ابتدا , بقى كده , لاتتعبنا , جبرني الوقت , ليه الجرح , عالمايه ]
وفيه اغنيه مصريه وحيده وهي [ بقى كده ]
نبدا استعراض بعض الأغاني
{ .. منهــو اللــي .. }
منهو اللي في حياتك تفهمو .. ؟!
منهو ضيعك منهو لقاك .. ؟!
الطفل يوفي لمنهو علمو .. !
بكل بساطه تنسى من ضحّى معاك
قلبك الغشاش منهو اللي فهمو .. ؟!
ناكر المعروف تهدي له غلاك
الاشاعه اصحابها بيندموا
زارعين الشوك بيلاقوا الهلاك
مابقى لك حد الا مخاصمو
شفت نفسك فوق يوم الله عطاك
هذا خاين وهذا بايع صاحبو
وانت اقسى من خطا هذا وذاك .. !!
مدة الاغنيـة [4:52]
الكلمـات: عبدالعزيـز الميـلس
الطريقه اللي كتبها فيه غريبه شوي تحسها خليجيه على شاميه
اللحن هادي وحلو
//**\\
{ .. لا تـعـبـْـنا .. }
لاتعبنا وتتعب حالك لاتفكر جوي بيصفالك
خلصنا وانهي الموضوع وبيّن لي حبك بافعالك
على كيفك تقسى وتهجرنا تنسانا مره وتذكرنا .. !!
ياحبيبي احنا تغيرنا ولا حتى بيّن في خيالك
انا ظنيتك اجمل ايامي بلسم لجروحي وآلآمي
وهديتك اعذب أحلامي ولا مرت حتى في خيالك
مدة الأغنية [4:12]
الكلمـات: فيصل العدوانـي
اللحن تحسه كأنه شامي لكن حلوو الكورال احسهم طاقين الكرفته خخخخخخخ بداية الاغنيه تنجر على وجهك تحسبها اغنيه لنجوى كرم
//**\\
نجي الحين للأغنيه القويه واللي اعتبر انطلاقة عصام الفعلية خليجيا اللي هي [جبرني الوقت]
انتشرت الاغنيه بشكل كبير بوقتها ومع ذلك الكثير من الجمهور مايعرف مغنيها أقصد اول ما طلعت الاغنيه
{ .. جبــرنـي الوقــت .. }
جبرني الوقت أنا أرد لك تشمّت فرصة وجت لك
وانت عاد من الله تبيها وتدري أنا أحبك والله أحبك
تشمّت فيني وتشفّى وحسابك معاي صفّه
واذا ودك تعذبني الزمن كفّى ووفّى .. !!
أحسب الناس مثلي بطيبي وعلى نفسي أبديّهم
أأمنهم وهذا هو عيبي ومليون مره أنصدم فيهم .. !!
لا تسأليني شاللي ردني إسألي الزمن عنه
شاللي عالمر انا حدني غير الأمر(آه) منه ...
مدة الأغنية [5:44]
الكلمـات: سـامي العلـي
طبعا مايحتاج اكلمكم عن هالاغنيه لأنها تحكي عن نفسها وتعبر عن ذاتها ولا عن أي احد ثاني
//**\\
{ .. ليــه تجــرح ؟! .. }
ليه تجرح بالكلام أشتريني بكلمه حلوه
مابقى الا السلام والكلام الحلو يسوى
توبة من حبك يا خلي وألف توبه من عذابك
لو في قلبك لي محل مايكون هذا جوابك
ياللي تبخل بالكلام ما طلبت شي غالي
واللي يسأل مو حرام كنت أبي رد لسؤالي
مدة الأغنية [4:11]
الكلمـات: محمـد ابـراهيـم
اللحن خطيييييييير حق تنكس من النوع اللي يجوز لشبابنا السعودي
بعدها ابتعد فترة ماهي بالقصيرة
ولكنه عاد وكانت عودته قوية وما كنت لمجرد الإبتعاد
لأنه عاد بألبووم أقل ما يقال عنه انه قوي لا من ناحية الكلمات أو الالحان وأبي منكم تركزون بالكلمات اللي راح اكتبها من الاغاني
ألبوم { .. هـذا أنـا .. } عـام 2005
وفيه 13 أغنيه [ رحل , صعبة نتفاهم , واللي يسلمك , حالي , شكرا , أبي تعلمني , لو تروح , غالين , مشتاقلي , علشانك , قرارك صعب , حلفت قلبي , هذا أنا ]
وأتذكر وقتها كان له لقاء في أحد الجرايد وكان له رد بالبنط العريض
[ من سأل عني أقول له هذا أنا ]
وبالفعل كان هذا هو عصام كمال
نبدا مع بعض باستعراض أجمل أغاني هذا الألبوم
{ .. صـعب نتفـاهـم .. }
صعبه نتفاهم أنت بعالم وأنا بعالم
يصير عاد ترضاها أنت .. ؟!
أنا المظلوم وبعينك أصير ظالم .. !!
لو كان جرحي من الغريب صدقني والله مايهمني
لكن أنت أقرب قريب وهذا اللي معذبني
حسبت الأيام على كيفي تعطيني وأثر الايام مالها صاحب
هذا وأنت أعز الناس خنت فيني من ألوم بعدك وأعاتب
مدة الأغنية [5:27]
كلمـات: سـامي العـلي
ألحـان: عصـام كمـال
اللحن فيها جبار وتلاحظون هالشي بمقطع [ حسبت الأيام على كيفي ... ] لاحظوا انه سطرين وأخذ نص الأغنيه
والميوزك اللي قبلها مره خطيير هذى هي الالحان القوية اللي تطلع قدرات الفنان
أنا يعجبني ويسحرني اللحن اللي تبين فيه قدرة صوت الفنان اللي تحس فيه انتقال بنبرة الصوت ..
//**\\
{ .. واللـي يسـلـّـمـك .. }
واللي يسلمك كافي ذلّ وإهانه
تضحك على قلبي وانا تقول مسكين .. !!
شفتك بعيني وشفت معنى الخيانة
لاطاب جرحي وأصبح الجرح جرحين
نجرحني مره ومره بإسم الميانه . !!
وأقول باكر خير وأرتاح بعدين
أنت مثل منت هذا أنت وأنا
ما طلت منك حق لا شين أو زين
حطمّت قلبي وضاع عمري عشانه
وبكل سهولة ماشي رايح على وين .. ؟!
أوهمتني بالحب وبعته معاناه
وإن كنت ناوي جرح انا فيني ألفين ....
مدة الأغنية [5:48]
الكلمـات: الشيخ صباح الناصر الصباح
الحـان: عصـام كمـال
الكلام جدا قوي واللحن متناسب جدا مع الكلمات
ووغناها ديو مع [نديبة] نزلت بألبوم [رومنسيات]
//**\\
{ .. مشتـاق لــي .. }
مشتاق لي ومثلك انا مشتاق لسنيني
تحسبها بس كلمه وخلاص تاخذني بيديني .. !!
خذ مابقى لك والحزن خله معي باقي
ما تفع الطيبة معاك مافادت أشواقي
أي أعتذار اللي تقول جرب عذر ثاني
خلني خلاص لحيرتي يكفيني ما جاني
تعبت أسامح والكلام مايجبر الخاطر
الله يخليك إبتعد قلبي ماهو قادر ...
الحب ياسيدي كبير أكبر من احزانك !!
الحب يحتاج لضمير مو كلمه بلسانك
ودعني في صمت وسكون خل العتب خافي
وصلتني لحد الجنون كافي تعب كافي ...
مدة الأغنية [6:59]
الكلمـات: نـاصر السبيـعي
الحــان: عصـام كمــال
ما اقدر كيف أوصف هالاغنيه , اكتفي بقولي ( أسمعوووها وبس )
//**\\
{ .. قـرارك صعــب .. }
قرارك صعب والأصعب تحملته
عذاب الحب منك ما تصورته
لكن أسألك بالله قبل لاتروح علمني
إذا اشتقت وين ألقاك واذا عنيت في بالي
شسوي دنيتي وياك .. ؟!
أبي تعلمني غير الصبر يصبري
وأبي تعلمني غير الخوف يطمني
لأني مستحيل أنساك ....
شسوي والفراق أسود ظلام وشوفتك شمسي
شسوي والزمان الجاي ما يسوى معاك أمسي
كنت أرضيك لو أخسر كل الناس من شانك
بعد ما صرتي كل الناس بعتيني وباعوني
مدة الأغنية [5:03]
الكلمـات: نــاصر السبيعـي
الحــان: عصــام كمــال
الكلمات مثل منتوا قارين جدا حلوه واللحن ايضا حلو والميوزك اللي فيها مو طبيعي
//**\\
{ .. على شــانك .. }
على شانك اجي لك دوم ولجلك اتعنى لك
تراني ما اتعنى لغير شخص له غلاا فيني
وقلبي يسبق الخطوه قبل لا رجلي تمشى لك
انا ياقلبي اتشرف مدامك حيل تغليني
هديه لك من اشواقي وقلبي دوم يصفى لك
تخيّل شوف هالدنيا صغيره وتكبر بعيني
سحابه تطير ارسلها وانشدها عن احوالك
وماي الورد والعنبر مطر للي يوافيني
ترا بحر الغرام الوان تشيله يوم وهو شالك
انا انسى اللي يتناسى واحب اللي يصافيني
عسى الله ما يحرمك يوم ويحقق اللي في بالك
واخلي دنيتك فرحه واخبارك توافيني
مدة الأغنيـة [4:07]
الكلمـات: الشيخ صباح الناصر الصباح
الحــان: عصــام كمــال
//**\\
{ .. شكــرا .. }
شكرا على جرحك يجي منك أكثر
تبي الصراحه زين سويت فيني .. !!
ما كنت قادر عن هواك اتغيّر
لو منت غيّرت القناعه بعيني ‘
اليوم صرت أقدر على بعدك أقدر
وعرفت أحبابي ومن ما يبيني
اللي انكسر ما ظنه اليوم يجبر
آسف حبيبي لو ذبحني حنيني ...
مدة الاغنيـة [5:04]
الكلمـات: ناصـر السبيعي
الحــان: عصـام كمـال
اللحن جمييل يعتمد على الساكس فون ..
//**\\
{ .. حلفـت قلبــي .. }
حلفت قلبي لا يجيك فجأه لقيته راح لك
خلا كل هالناس قلبي وأنت بس أرتاح لك
يابختك انت الوحيد اللي قدر ياخذه
قلبي حبك وانا مدري وعشاني لا تواخذه
قلبي واخذته بيدينك وفيه انت صرت الوحيد
قلبي حبك ايه حبك وعنه لا تبعد بعيد
أوعدني تبقى بقربي بالحب دايم معاي
وأنا اوعدك دوم أبقى صادق بحبي وغلاي
هالدنيا والله غريبه والأغرب اني هويت
وانا اللي ما كنت افكر يسكن في قلبي غريب
واليوم خذني في قربك واليوم خذني معاك
سلمت انا لك حياتي والروح كلها فداك
مدة الأغنيه [6:07]
الكلمات واللحن للأخوان [بودله] اللحن يذكرني بـ [ ألا ياوقت] لـ راشد
لا تفوتكم
//**\\
{ .. هــذا أنــا .. }
مثل ما خليتني هذا أنا ..
الناس تكبر وحبي يكبر كل سنه
هذا أنا ..
العمر ما أثـّـر وعينك تشوف أنا غير الناس
لو زاد العنا ..
مثل ما خليتني هذا أنا
//
يا ما جوني ناس ومرّوا ديرتي
كم ربحت وكم خسرت دنيتي
أنت بلسم حب أو جرح وعذاب .. ؟!!
أنت عايش بين ناري وجنـّـتي !!
//
طاوعت قلبك وزدت بقسوتك
الفرح للناس وليّ دمعتك
" يمكن الدنيا قسّت مره عليك "
وأنا ياما شفت منها بغيبتك
//
لو أموت ترابي يدوس بخطوتك
تلقى قلبي صاح وهلّت دمعتك
يمكن بموتي تحس اني أبيك
فتّش بقلبي تلاقي صورتك
//
عيشتك يا فلان من بعدي سراب
كل شي بيروح ويبقى الغياب .. !!
لو ولهت اذكرني تلقاني معاك
أنت مايي وأنا ملح فيك ذاب ...
مدة الأغنية [6:55]
الكلمـات: الشيـخ صباح الناصر الصبـاح
الحــان: عصـام كمــال
آآه والله انها تعور قلبي تحس فيها كم كبير من الألم والقهر ....
اللحن حزين وهاادي وخوووراااافي .. ابدع فيه عصاام ..
أصدر ألبومه الخامس وهو عبارة عن جلسة مطورة بشكل هادي بدون ايقاعات نفذت على العود والقانون والكمان تحت اسم [رومنسيات]
تغنى بعدة أغاني منها [بقت لحظات والمحبة] اللي غناها الفنان مساعد البلوشي وبعض الاغاني قديمة لعصام .
الأغاني هي [أزعل عليك , المحبة , بسك غرور , بقت لحظات , توادعنا , جمرة الأيام , شكرا , لو تعاني , ليش يا ناكر , مشتاقلي , منهو اللي , واللي يسلمك ]
الاحساااس عالي في اغاني هذا الالبوم
{ .. تـوادعنـا .. }
توادعنا انا وانت بعد ما كنا أغلى احباب .. !!
وكل منا مشى بدربه وصرنا ياحبيبه أغراب
حسافة شلون تتغير وتتلوّن على كيفك .. ؟!
ولا تخليني أتخير أنا اعرف صدقك وزيفك
كروتك كلها محروقة أبد ما تلوي ذراعي
وحتى أشواقي مسروقة بسمّر وارفع شراعي
مدة الأغنية [3:43]
الكلمـات: الشيخ صباح الناصر الصبـاح
الحــان: فهد الحـداد
آآآخ ياناس على هالاغنية فيها شجن وحزن وقووووية , وهالاغنية تصورت كليب والكليب حلووو جدا ورايق وهادي [انصحكم فيها بشده]
//**\\
{ .. لو تعانــي .. }
لو تعاني مثل ما اعاني في غيابك
لو تشوف اشلون مشتاق لحنانك
انت مو عادي ولا انت مثل غيرك
واللي فيني لك ولا مـرّ بحياتك
أنت يا أغلى من عيوني وحياتي
الفرح غايب في بعدك ياغناتي
أنا مو عاشق ولاني حيل أحبك
أنا ميت فيك يا أغلى من غلاتي
صعبه ألقى شي فيني مايحبك
أنت في قلبي مثل ما أنا في قلبك
روحي تسألني متى ترجع حبيبي
ياضوى العالم أنا أحبك وربك
مدة الاغنيـه [4:37]
الكلمـات: الشيخ صبـاح الناصـر الصبـاح
الحــان: طـارق العوضـي
//**\\
{ .. جمـرة الأيـام .. }
لو يدور الوقت ويزيد العذاب
وتنتهي الدنيا وتصبح كالسراب
هذا أنا صفحة بيضا في كتاب
والعمر لو راح أبقى هذا أنا
لو يدور الوقت وتمر السنين
بنتلاقى بصمت وصرخات الحنين
هذا أنا وهذا أنت منتهين
أمسح العبرة من عيوني أنا
جمرة الأيام تبقى في الرماد
تنتظر وتعيش لي وقت الحصاد
وتحرق اللي باقي عايش في الفؤاد
احرقت قلبك مع قلبي أنا
مدة الأغنية [4:14]
الكلمـات: الشيـخ صباح الناصـر الصبـاح
الحــان: عصـام كمـال
//**\\
{ .. بـسـّـك غـرور .. }
بسك غرور .. !!
ياللي تمثل دور العاشق الولهان
يكفي تمثل وتدعي إنك تبيني
لا تجرح اللي يحب مثلك أنا انسان
سويت غربة مابين افراحي وبيني
لا تدعي وتقول إنك عليّ ولهان
أنا افهم احساسك واقراه بعيني
الحب مابه أمير أو حاكم وسلطان
الحب نبض البشر واحساسه فيني
بينك وبين الحب يا سيدي شتّان
ماعاد ينفع شي وينك وويني
حيرتني واليوم أنت معي حيران
خل غرورك يفيدك كل سنيني
مدة الأغنية [5:27]
الكلمـات: الشيـخ صبـاح الناصـر الصبـاح
الحــان: عصــام كمــال
//**\\
نجي للألبووم الاخير اللي نزل قبل فترة قصيرة
وبكل حقيقه هو امتداد للنجاحات السابقه لـ عصام
الألبوم { .. متـربـع هنـا .. }
الأغاني [ أخرها , عندك خبر , أنا وين , كلو محصل بعضو , مليت منك , متربع هنا , متى ترتاح , تعالا حبيبي , تعلم , تخيّل , تشاوفنا , يعني بكيفك , يا عمي , زمن أغبر ]
متربع هنا ديو مع الفنانة اللبنانيه [دينا حايك] وهي الأغنية اللي صورها كليب بجانب الاغنيه المصريه [كلو محصل بعضو]
{ .. يــا عمــي .. }
ياعمي وش سويت فيني بغرامك .. ؟!!
لا ليلي ليلي ولا نهاري نهاري .. !!
ترجف ضلوعي لي طرالي خصامك
وافرح اذا بالقلب لك مرّ طاري
تسألني عن نفسي وانت اللي فيها .. !!
تسألني شخباري وش صار وياي .. ؟!
أسال عيونك وروحك اللي أبيها
أخباري عندك وانت ادرى بدنياي
عشقي لقربك عشق مامر على انسان
ولا احد بالكون حس بشعوري
تدري بحبك حط بالقلب نيشان
يامعطر انفاسي يا ورد جوري
مدة الأغنية [4:41]
كلمـات: الشيخ صباح الناصر الصباح
ألحـان: عصام كمال
الأغنيـه عاجبتني حيل وضايعة معها لأني احس فيها شي مختلف الإيقاع عراقي والكلام مره حلو
{ .. يعني بكيــفك .. }
يعني بكيفك لازم اخضع واجامل .. !!
لو ما ألبي حاجتك ما تبيني .. ؟؟
لا لا تفكر بس انت اللي كامل
غيرك ترا ياما وياما يبيني
حيرتني وياك واحترت بحياتك
بيدي اداري واحضنك بين ايديا
لكن جرحك بان وبانت صفاتك
الألم هو كان ردك عليّـا
تركت في قلبي علامة بشكوكك
وخليت بعض الناس تهمس علينا
باكر يجي لك يوم وتعلن خضوعك
تدفع ثمن غلطه وتبوس يدينا ...
مدة الأغنية [4:05]
كلمات: الشيخ صباح الناصر الصباح
الحان: عصام كمال
طبعا ما يحتاج هالاثنين لا التقوا يصير انفجار مدوي .. ولاحظتوا بكل الاغاني اللي جمعت الاثنين قبل ..
//**\\
{ .. تعـلّـم .. }
تعلم تحترم غيرك وفكر قبل تتكلم .. !!
كبرت وزاد تفكيرك انا ما زلت اتعلم .. !!
احب بصادق احساسي وأغني للألم مذهول ..
خيال وموطنه راسي قبل لا ينولد مقتول
ترى هالدنيا دواره غريبه وطبعها مقلوب
عطتك الروض وازهاره وسقتني مرها المكتوب
غرورك سيد عيوبك وانت بحضرته مسجون
اناني وهذا اسلوبك بنفسك للأسف مفتون
كبرت لأني حبيتك وخليتك أعز الناس
تركت العالم وجيتك لقيتك ميت الاحساس .. !!
وتطلب مني اتعلم اصول الحب وتقديرك .. !!
تعلم انت تتكلم ومره احترم غيرك !!
مدة الاغنيه [6:30]
كلمات: علي عسيري
الحان: عصام كمال
نعرف دائما لاصار علي عسيري طرف بالاغنيه تكتب لها النجاح , شلون لاصار الملحن عصام؟!
//**\\
{ .. متــربـّـع هنــا .. }
ياحياتي انت متربع هنا
ياحبيبي لحظه من غيرك سنه .. !!
كيف بنساك يا روح روحي .. ؟!
حتى لو جمرة وسكنتي في جروحي
كيف انا بنساك ولك في القلب ذكرى .. ؟!
القلب يهواك وانا اللي تحت امرك
يانور شمسي يادفى قلبي انا
احلى قمره في سما ليل العنا
الدنيا اجمل دامك انتي معايا
يابلسم جروحي وقلبي ودوايا
اجمل احلامي وايامي معاك
لو نسيت الناس قلبي ما نساك !!
ياحياة الحب ياحبي وحياتي
ياطيبة من قلب وعشقي وغلاتي
لك غلا بالقلب يا احلى شريك
بماي عيني ياحبيبي افتديك
انتي لي أنا واأنا لجلك انتي
ساكن بقلبك وفي قلبي سكنتي
مدة الاغنيه [4:47]
كلمات: صباح الناصر الصباح
الحان: عصام كمال
اولا انا اعتبر تعاون عصام مع الفنانة دينا ذكاء , عشان يبرز العمل بنفسه
والا كان بإمكانه يتعاون مع نوال الكويتيه .. ويضرب العمل قبل لا ينزل بالاسواق
وايضا اعتبره تحدي لأنه بإبداع عصام اللحني بينجح العمل ..
//**\\
{ .. تخيـّـل .. }
تخيل كنت احسبك حلم لقيتك حقيقه
لقيتك في عيني فرح خذاني لطريقه
كنت في عيني خيال ..
وكنت فالدنيا محال ..
قبل اعرفك هويتك
تخيل !!
إني لقيتك ..
يا هو انت غريب
والدنيا غريبه
كيف تهدي الحبيب
ويلاقي حبيبه
لا بغت كل الأماني تصبح حقيقه
لا بغت كل يتهنى فيها برفيقه
ياحبيبي مدام دنيانا عطتنا تعال
تعال بنحقق انا وانت المحال
بنعلم كل العاشقين دنيا مافيها حزين
مدام جمعنا الوصال .. تخيل اني لقيتك ... تخيل ..
مدة الأغنية [4:00]
كلمات: الأمير محمد العبدالله الفيصل
الحان: عصام كمال
مو انا اللي اقيّم هالكلمات .. ابداع وتميز الامير في كل قصيده يكتبها تقود الملحن للابداع , وشلون لاصار الملحن مبدع؟!
هذا اللي صار مع الامير وعصام .
//**\\
{ .. متـى ترتـاح .. }
متى ترتاح يا قلبي ... ؟!!
تعبت وما تعب دربي , وشاب الراس
وهدت خطوتي الغربة وحيرني جحود الناس
وضعت وما لقيت الا شقى روحي
وطير يغرد لدنياي وجروحي
متى قلّـي تبي ترتاح يا قلبي ,
ضحية من ضحايا الوقت
انا كلي ألم متلحف بعبرة
وجرح معذبة صبره
وجمره ما انطفت فيني تعزيني
وخلت حالتي عبرة
بعد هالوضع انا من لي؟
متى قلّـي تبي ترتاح يا قلبي ,
حزين ونور عيني صمت
أخاف من العمى وأشتاق للقمره
غريب وغربتي الحسرة
وبكره يرفض سنيني يبكيني
ويدفن فرحي بقبره
بعد هالوضع انا من لي؟
متى قلّـي تبي ترتاح يا قلبي ؟!
مدة الاغنيه [5:34]
كلمات: علي عسيـري
ألحان: ناصـر الصـالح
هذى الاغنيه امتداد لنجاحات الثنائي علي عسيري + ناصر الصالح
//**//
والحين للأغنيه الأجمل والأحلى والأكمل
ياجماعه والله الاغنيه هذى تعور القلب ..
//**\\
{ .. زمـن أغبـر .. }
جرحني حيل ما قصّر ما خلا عذاب وآه
تمرمرت بزمان أغبر وجاي انت بعد وياه
حبيبي لا تخليني أبي قلبك أبي عطفك
وما صدقت على الله انا جرحي وقف نزفه
حبيبي في زمن ظالم سؤالك بس ينصفني
يداري زهرة ايامي اذا الايام تقطفني
محل النفس ومو قادر تجي مره على نفسك
انا كل يوم ابي باكر يعوضني غياب امسك
تعبت وقامت الدنيا تسلا في متاهاتي
هداك الله يالغالي متى تحس بمعاناتي
طويلة رحلة الفرقا تعلمت الشقى فيها
رسمت احلام وردية وخانتني لياليها
مدة الأغنية [6:08]
كلمات: عبدالله بو راس
الحان: عصام كمـال
بداية الأغنيه بلحن حزين .. والعود عامل عملته ,
//**\\
بقى شي واحد
من خلال استعراضي للألبومات عرفنا ان عصام سوا دويتوو مع فنانتين الأول مع [نديبة] والثاني مع [دينا حايك]
وفيه بعد تعاون ثالث مع الفنان [مساعد البلوشي] طرح في ألبوم مساعد [ثلاث أيام]
وهالديو كان بأغنية [مع الأيام]
يااااااااوك على هالاغنية مجنوووونة لا لحن لا اداء لا احساس من هالاثنين
{ .. مـع الأيــام .. }
مع الأيام نتفرق ونسأل شالذي فيها .. ؟!!
بدنيا ما صفت لي يوم وكل ٍ بعثر أوراقه
بلملم غلطة الأيام وبعرف أيش تاليها
وأثاري نيته شانت بيّت لي على فراقه
مشيت بدرب يخوفني وتلعب بي لياليها
كثير من البشر قالت قلوب الناس حراقه
صريح وعيبي عاجبني لو جرحي يبكيها
أنا صادق مع نفسي مثل ليلي مع اشراقه
يحملني خطا ماصار وإني كنت ناويها
يقول إني انا أدري كلام مس أشواقه
حكاية قصدها بعادي مثل ما كنت هاديها
عقب ما كان يعنيني أنا ما غيب عشاقه
مدة الأغنية [6:01]
قوية قوية قوية قوية قوية ...... etc
وبكذا اكون انهيت الموضوع إن شالله يكون على ذوقكم
ملطوووووووووووووش

صحيح الفنان عصام فنان كبير وله جمهوره

لاهنتي ياغلا على الطرح الرائع

له اغاااني روعه
يسلمو وعساج ع القوه يالغلااا