قصيده للفراعنه يرثي فيها ابنه بعد شهرين من وفاته


قد يستغرب الناس كيف يرثي انسان ابنه وقد ولد ميتا ولم يره امامه وليس له ذكريات معه الا انني هنا رأيت ذكريات أغفلها الشعراء وليس هناك من لم تمر عليه وهذه القصيدة رثاء في مولودي وهدية مني إلى أمه ربط الله على قلبها وعوضها فيه وجعله شفيعا لأبويه .. القصيدة مرثية طويلة تعددت اغراضها من رثاء الى تبصر في الزمان الى حكم والفلسفة





رحم الله اموات المسلمين اجميعين


ما أراني فاعلاً في الليل إن أرخى سدوله؟

ما أراني فاعلاً والصبح قد حان احتضاره

طفلي اللي مات في اول يوم ما ذاق الطفوله

عاجله سهم القدر واختاره الله في جواره

طفلي اللي مات في غمضة طرف ما حال حوله

يوم عمر الآدمي ما كان يوماً باختياره

يا وجودي يوم لفّوا شاحب الأكفان حوله

ما تقول إلا شظيّة لؤلؤٍ داخل محاره

يا وجودي يوم أطالع فيه,في عرضه وطوله

تنتحر في العين مني دمعةٍ كنْها شراره

نفس عين آبوي عينه بل ونفس الزول زوله

وبالأماره, فيه من عمه(شبيبٍ) كم أماره

جابه الله مثل هتّان المطر ساعة هطوله

ديمٍ احيا بهجة امه تارةٍ وآبوه تاره

ويوم شاف الشرّ من صوب آهلهْ يشعب ذلوله

حطّ دون صدورهم صدره من الرحمه ستاره

ومات توّي ما بعد بإيديّ لبّسته نعوله

مات توّي ما بعد ساويت في ثوبه زراره

كنّ عينه يوم مات تقول:بابا, ويش هو له؟

يوم تبكي وانت تدري مين انا ذلحين جاره!

كلنا راحل وخير الناس من زوّد رحوله

باغتنام الصالحات وكلّ كسرٍ له جباره

طفلي اللي صوّبت كبده قبل ساعة وصوله

بندقٍ من عين حاسد واودعت قلبي طشاره

يا وجودي ما لقيت أنسب لمولودي مقوله

من مقولة: يا وجه صبحٍ تحرّر من خماره

أو ثغر برقٍ تهاميٍّ تبسّم في ثعوله

ضوح مصباحه عليه يورّد النجدي بكاره

يوم اشيله ما تقول اشيل شيٍّ من نحوله

آتشمّم ريحته -من فجعة القلب- بحراره

يوم جيت العب معاه وغاب قلبي من ذهوله

يوم ما شفته تبسّم لي وانا في اول زياره

قمت أحدث عنه نفسي- والعرب حولي وحوله

-ليت ما هو ميْتٍ؟إلا ميت! ما تبغى استشاره

اتْخنقني عبرتي يوم آتذكّر ما تقوله

عنه أمّه يوم أنا في ديرةٍ ماهيب داره

[آتذكّر يوم هو في بطنها يحرّك رجوله

وانتعيرّ:ليت ما هو أقشرٍ؟ لبّى القشاره

كم سهرنا معه ليله كامله من كبر هوله

لين صرنا نعَرْف موعد قومته داخل قراره

وان تأخّر ما صحى في موعده قمنا نصوله

ننغزه يا من يمين البطن وإلا من يساره

ما نبي شيْ بسْ نبي نضحك على ردّة فعوله

ننغزه ويفز خايف ما درى ويش العباره

من يدي غيمة على أيدي الملائكة محموله

غيمةٍ من نور ما تشبه نضارتها نضاره

يا إلاهٍ كل ما في الأرض طراً سبّحوا له

شفّعه فينا غداً واجعله لابوانه بشاره

في نهارٍ فيه أعناق الشياطين مغلوله

يتلقّفنا مثل ما يلقف الحاوي صراره





[فقط الاعضاء المسجلين هم من يمكنهم رؤية الروابط. اضغط هنا للتسجيل]

يسلمووووووووو اخوي على القصيده الحلوة تقبل مروري

مشكورهـ لوعة جدي

<< تراها بنيه موب ولد ^_^

ربي يعطيك الف عافيه على الطله

دمتي بمحبه

مشكووووووووووووووره حبيبتي عسى الله يجمعه وياه بالجنه

اللهم آمييين

مشكورهـ ريم على المرور

لاعدمناك ولاانحرمنا تواجدك

دمتي بمحبه