في غير الزمان
في نفس المكان
مرتني الذكرى وانا واقف
في نفس المكان
في غير الزمان
*****
في ذا ضحكت أيام لكني بكيت
في ذا حلمت أحلام لكني صحيت
ومنها ابتديت
وفيها انتهيت
إلا من الذكرى
في نفس المكان
في غير الزمان
*****
قالت لي الذكرى كلام عني
كلام والله بغيت أنساه
وصاحت ربابه شوق واثر النغم مني
يشكي وانا شكواه
وغنى صوت في ليلة فرح
وهلت عين وقلب انجرح
في صوتها جرح وتعب
وفي عيونها نظرة عتب
وشفت ابتسامه عليها هلت الدمعه
ونظرة ملامه من الماضي على ربعه
وانا مع الذكرى
في نفس المكان
في غير الزمان
*****

تعطيني الذكرى ولا تاخذ أبد
تحكي لي الذكرى ولا تسمع لاحد
وانا عندي كلام ممنوع حتى عن الخاطر
لا ياخذه امسي ولا يقبله باكر
ما اقدر أوضح غايم الصوره
ولا أزود للمسا نوره
الله يا ذكرى ياما فهمتيني خطا
ياما قدم رجلي على جمرك وطا
واليوم هيضني هواي
أشكي ولا أدري وش بلاي
هو من شقاي اللي مضى
والا هناي
زانا مع الذكرى
في نفس المكان
في غير الزمان

قطعت الوصــل يـا شاطــر
... قــوي القلـــب تعجبنـــي

تحسـب انـي انـا نـاطـــر
... وشوقــي لــك معــذبنــي

وانـا مـاهـــزنـــي هاجــر
... ولعــب العيـــال ضحكنـــي

ولكــن خلــك الصــابــــر
... وعلـى فـرقـــــاك عــودنــي

عشـان انسـاك فـي الآخــر
... ومثلـك تــرى ما يشـرفنــي

عــز القـصـيد وزاعـلـتـنى حـروفـه
من يوم غاب اللي قصيدي ... مهاويه

غـابت به الـدنـيـا وخـلـت طـيـوفه
عـزي ... لـمـن مـثـلى زمـانـه يعاديه

عقب الـملاقـي بـس بالـقـلـب اشـوفه
وعـقـب الـمـناجي ... بس بالـفكر انـاجيه

كـلامـي وشـوفي لغيره ... حـسوفه
مـن غـيـره يـخـاوي غريبي واخـاويـه

كـــــل ماحاولت أبكتب له حروف ...
انكسر سن القلم في موضعه..

مدري إللــي يمنعه نفس الكفوف..
أوهي الأقدار يمكن تمنعه..

ودي أرسل مع الغيمة حلوف ,,
واعتذر له إذا قصرت يوم معه.!!